ULTRA-BALAGTASISTA
“Datapuwa’t sino ang tatarok kaya
Sa mahal mong lihim Diyos na dakila?
Walang mangyayari sa balat ng lupa
Di may kagalingang iyong ninanasa.”
– Florante at Laura
“Hindi ako magtataka kung dumating ang panahon
na pagkabungkal ng lamang-ugat ng iba pang salitang
aking inihanay ay lalong mamukadkad sa atin ang akda
ni Balagtas bilang isang munting Tractatus Logico-Philosopichus.”
– Virgilio S. Almario
“…nothing in this world
is too wonderful to be true.”
– Michael Faraday
1
Pagsulat po ito nang tapat
Para sa pagsasamang maluwat
Kahit sobrang over bastos…
2
Mga unggoy,
Wala akong utang sa inyo
Utang na loob.
3
Ako ang Agos
Ang Tubig na Tula
Ng Buhay
Sa daigdig
Ilog na
Hindi bumabantot.
4
Taal na Finoy
Walang dugong Africano
Hindi ako galing sa organismo
Lalang ako ng Verbo Divino.
5
Iba ang aking gawain
Makinig kayong mabuti
Mangingisda
Manggagawa
Magsasaka
Iba sa inyong gawain.
Mga mangmang.
6
Hey Gelacio
Hoy Guillermo
Narinig mo?
“Ibukod ang Makata
Sa lipunang Filipino
Nang higit sa malaking titik:
Ma+kata!”
Tama si Rio Alma
Ay, Romulo A. Sandoval!
7
Saksing sakristan
Si Totoy Tuko a.k.a. Kid Kuto
Pagkapaso ng Panahong Bago
Parekala/parakale’y sapat at dapat
ETNAGELE
Sopistikado at Dalisay
Sa simpleng sabi:
Elegante ngani.
8
WAGAS
Gawas sa dilang wasag
Di lamang sawag at/o sagaw
Gawsa, asgaw, agwas
Awsga, aswag, wagsa
Agsaw, gasaw, gwaas
Waags, swaga, gaaws
Awgas, awsag, swaag
Wasag, sawga, sagaw
Gwasa, agaws, agswa
Sawag, awags, gsaaw
Asgwa, gaaws, wasga
Gaswa, agaws, swaga
Swaag, aawgs, asawg
Saawg, gwsaa, swgaa
Aawgs, aagsw, gswaa
Wgsaa, sgawa, wsgaa
Aawsg, aagws, saagw
Waasg, gsaaw, sgwaa
Aasgw, aawgs, gswaa
Sagwa pa kuno.
9
Ay, ay, ay,
Ya!
Yeah,
Ying
At
Yang
Espiritu Sanctum
E cola y colugo espasol
Y colurum
VIMNADERUM
10
Neo-postmodern
Tayabasin
Palatin-latin
Patilain
Halukay-kayin
Bulay-bulayin
Bulawan o
Bulaan?
11
Makadiyos
Makabayan
Tulang taal
Hiramram
Porsiyunado
English
Espanyol
Intsik
Hapon
Bagong Formalismong Finoy!
12
Tagalog
Ilocalog
Bicolog
Waraylog
Bisalog
Mindalog
Lumalog
Kastilalog
Engalog
Umaalimbukog
Dalisog at/o Gasilod
Awk!
Poetikang Tapsilog.
13
Aling pag-ibig pa ang hihigit ang katas
Sa katas ng minumutya-Mutyang
Naciong Filipinas?
Enero 18, 2010 Sa 4:02 umaga
mistulang ipuipong tula. ipuipo para sa piging ng mga dakila at imortal!
Pebrero 3, 2010 Sa 12:54 hapon
pumagilid na ang mga masasagasaan.
mahusay!
Pebrero 3, 2010 Sa 10:42 hapon
Hindi po puna ito, kundi isang pagbati.
Ikinawing ko po ang inyong webpurok sa aking webpurok: http://balangkas.wordpress.com
Pebrero 5, 2010 Sa 4:59 umaga
salamat at idaragdag din kita sa kuntrakrusada
Pebrero 14, 2010 Sa 1:45 umaga
ganito pala ang labas ng tula kapag sumunod sa dictum ng “kung bakit salita ang salita”. kapag pinaikli pa e, SATSAT.
at ang panata ng mga Finoy elementari at hayskul na makabayan ay, “…sa isip, sa salita at sa gawa.”
pero ang ilang Finoy masterado at doktorado ay, “sa satsat, sa satsat at sa satsat.”
ultra ayos tsong!
Pebrero 21, 2010 Sa 10:02 hapon
salungat sa agos!
Pebrero 21, 2010 Sa 10:12 hapon
na get kaya ng iba kung anong ibig sabihin ng ETNAGELE? gusto ko ang patungkol sa numero siyete kahit hindi ko rin ma-get ere ^_^
Hunyo 5, 2010 Sa 3:25 hapon
Ngayon ko lang nabasa ito!
Typhoon! Lindol, intensity 10!
Davalog! Cotalog! Dun naghahalo ang lingua franca na may mga tilamsik ng tagalog…. Umaalumbukod!
Ang saya!
Hunyo 5, 2010 Sa 3:35 hapon
ISULONG PO NATIN ANG PANITIKANG MAKABUHAY!