TAPOS NA ANG PANAHON NG PAGSASARANGGOLA

Nasaan ang mga batang henyo

Lahat nang pilosopo’y nagkunwaring
Magalang sa karunungan
Kaya inindorso ang bugtong ni Daedalus
At naging popular na sermon
Nang wala naman talagang lubusang nakatatarok

Namamatay lang nang namamatay
Ang lahat ng scholar at guro
Baon sa hukay ang kani-kanilang hakahaka
Panghuhula yabang at pigil na pagkatakot
Takot na hindi mabubulok
Habang pinagtsitsismisan
Ng mga kulturantado ang abo ni Icarus

Nasaan pa ang mga supot
Nasaan kayo mga kupaling subersibo
Kayong lahat ng mamamalakayang
Namamalik-mata sa liwanag ng gasera
Ni Pilosopong Tasyo

Mananatili ba kayong nangingimbulo
Sa nektar ng buhay at kamatayan ni Apo Rizal
Ang gamugamong umakit at nagpalagablab
Sa kadakilaan ng Supremo Maypagasa

Tapos na ang panahon ng pagsasaranggola
Tuliin ang ama ng primitibo’t baog na doktrina

Ang ibig kong sabihi’y magsimula
Lumikha tayo ng sari-sariling blog
Nang walang template ng Latin
Mula sa Griegong pag-aakala

Connecting…

5 Tugon to “TAPOS NA ANG PANAHON NG PAGSASARANGGOLA”

  1. Salamat sa pagbubukas isipan. Mukhang di na umusad ang pilosopiya at agham sa pag-inog ng mga dekada. Kailangang ugain at pigain ang pagkamalikhain ng kabataang Pinoy.

  2. hindi ka nag-iisa arvin, marami kayo, ituloy ang pamimilosopo

  3. naglimutan ko na nga lang ang nagwika ‘ang pilosopiya pa nga ang nakasasagka….’

  4. kung matapos na nga ang panahon ng pagsasaranggola…
    ano at kaninong diwa ba ang may karapatang pumaimbulog?
    may silbi pa ba ang hangin at pising pinanghihila…
    o di kaya’y mamamangka na lamang ba sa ilog?

    tama ka,ngawit na nga ang aking batok sa katitingala…
    sa manipis,magaan,at mapusyaw na saranggola.
    aanhin ko ang diwang itinago at may karuwagan…
    lalo pa kung ang pumipigil ay mga dayuhan?

    ah,ngayon na nga ihahanda na itong bangka…
    susumahin na ang lawak at lalim kahit pa may talangka!
    huwag nang harangin,huwag nang pigilan…
    o baka abutin nila’y hampas nitong sagwan!

  5. Malaya ang makata, Saranggola o bangka,…

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Palitan )

Twitter picture

You are commenting using your Twitter account. Log Out / Palitan )

Facebook photo

You are commenting using your Facebook account. Log Out / Palitan )

Google+ photo

You are commenting using your Google+ account. Log Out / Palitan )

Connecting to %s

%d bloggers like this: