Lahat nang pilosopo’y nagkunwaring
Magalang sa karunungan
Kaya inindorso ang bugtong ni Daedalus
At naging popular na sermon
Nang wala naman talagang lubusang nakatatarok

Namamatay lang nang namamatay
Ang lahat ng scholar at guro
Baon sa hukay ang kani-kanilang hakahaka
Panghuhula yabang at pigil na pagkatakot
Takot na hindi mabubulok
Habang pinagtsitsismisan
Ng mga kulturantado ang abo ni Icarus

Nasaan pa ang mga supot
Nasaan kayo mga kupaling subersibo
Kayong lahat ng mamamalakayang
Namamalik-mata sa liwanag ng gasera
Ni Pilosopong Tasyo

Mananatili ba kayong nangingimbulo
Sa nektar ng buhay at kamatayan ni Apo Rizal
Ang gamugamong umakit at nagpalagablab
Sa kadakilaan ng Supremo Maypagasa

Tapos na ang panahon ng pagsasaranggola
Tuliin ang ama ng primitibo’t baog na doktrina

Ang ibig kong sabihi’y magsimula
Lumikha tayo ng sari-sariling blog
Nang walang template ng Latin
Mula sa Griegong pag-aakala

Connecting…

Magandang araw po.
Una sa lahat, hayaan ninyong ipabatid ko sa inyo:
Kayo po ang paborito kong makata.
Kaya po ako nag-email ay para humingi ng payo
Kung ano ang tama at mali sa pagsusulat.
Paano po ba ang pormal at wastong pagsusuri sa akda?
Ano-ano ang dapat at hindi dapat?
Sino-sino po ang dapat ko lang purihin?
At sino-sino po ang dapat ko lang banatan?
Ano po sa inyong pakilasa kung makaisip ako ng bagong salita?
Elegante po kaya ang aking pamimili-Fino?
Halimbawa:
Trapoeta
Kulturang-Makahari
Utak-Tupa
Katas-ng-pinagsapalan
Kung dagdagan ko po ba ng isa pang K ang kabaliktaran
Ng Utak-Tupa at gawin kong Katuk-Patu
Ok po ba sa inyo?
Utak-Pato / Katuk-Topa?
Mas komplikado, pero elegante, mas profound. Di po ba?

Kilala ko po ang inyong idol sa pagtula (na idol ko rin)
Na sinasabi ninyong pinakamagaling sa lahat.
Si Rio Alma a.k.a. Virgilio S. Almario.
Pagpasensiyahan po ninyo – hindi ako sumasang-ayon na siya ang namber wan.
Nagkakamali po kayo.

Ikaw ang numero uno.

Sa totoo lang, pag binabasa ko po kapwa ang inyong mga akda
Imposibleng mahalata kung sino ang nanggagaya kanino.
Kung teksto ang pagbabatayan,
Nakauungos po ang inyong mga hulagway, larab at lawas.

Nakakahiya po, sobrang over talaga
Ang panggagaya sa panulaang Filipino.

Hanggang dito na lang at taos-puso po akong nagpapasalamat
Sa mga payo ninyong pampanitikan.

Sana’y hindi ninyo ikalaki ng ulo ang aking paghanga nang malabis.

Harinawang pagkalooban kayo ng malalim na pag-iisip ng Poong Maykupal.

Itaga nyo na lang po sa otab ang aking username:

Tomaso Kritikastro

“Hija
Tuturuan kita
Ako si Kupido
Ang Mangangaso ng Pag-ibig”

Mang-aaso?
Ang galing-galing mo naman Sir,
Ano ba talaga ibig mong sabihin?”

“Hindi aso kundi agila
Malupit na mandaragit
Kay sarap-sarap mo sigurong
Kastahin nang patindig”

“Ha!!!,
Ha ha ha ha!
Sir, aso ka nga
Ha ha ha ha!”

“Je je hindi ako nagbibiro
Sarado naman ang pinto
Je je je”

“Ha-ha-ha sige
Kung talagang gusto mo
Libre…”

“Ano kamo?
Libre Je-je-je-je
Pwede!”

“Ulol
Sa Faculti walang libre
Kahit tae
Lintik lang ang walang ganti”

“Je je je
Sa atin lang ito
Sige na please
Biru-biruang tototo
Papaspasan ko”

“Paspasan mong burat mo
Isawsaw mo sa inodoro
Karapat-dapat lang sa iyo
Tumbong ng baboy o aso
Ha! ha! ha!
Ha!”

Kunot-noo ang marami sa kay-lalim mong lengguahe
Dyamante ba ang tulaing waring merong sinasabi
Ano kaya’t magtanim ka kahit talbos ng kamote
Para naman may pagkaing mabibili kaming pobre

Kung sakaling umani ka ng kamote’t maulalo
Walang ibang sisisihin kundi bukbok sa ‘yong ulo
-

Sino ako?

Anak ni Homer

Ang Dakilang Manlilikha ng mga Dioses

Pro-Horace

Versus Virgil

Kuntra-Kynewulf

Anti-Dante

Herrera

Ossorio

Bagobanta

Gaspar Aquino de Belen

Jose Corazon de Jesus

Sino ako?

Si Ka Tomas

Ang hijo de puta ni Balagtas

Imoral
Hindi para sa mga Tagalog
Ang aking aklat

Mapakla akong mangusap
Para sa mga hindi magtatakip
Ng tenga at mata sa kariktan
Ng umiimbulog na orgasmo
Ng bulkan

Ipagdiriwang ko
Ang algoritmo ng rumaragasang lahar
Na maglilibing sa mga simboryo ng Katedral

Nananalig ako
Sa kapangyarihan ng tula

Laban sa krus

Style pyrophyllite
Hindi bugok

Talinghagang
Mahuhubog na granite
Di kayang abuhin ng Mayon at Pinatubo
Tulad ng kambal na diskarteng
Magma ng ebolusyon: Atay-atay
O punctuated equilibria
Para tugnawin ang mga kabalbalan
At engkanto ng Kristianismong
Kumakapon sa tao

Baliw
Tawagin nyo
Akong kuntra-Vaticano

Hindi para sa mga Filipino
Ang aking libro

Realistiko
Hindi para sa mga pantasyador-historyador
Basurista-karerista ng kasaysayan

Natural
Hindi para sa mga lagalag na manunulat
Manlalambay kaingero-scavenger

Tahas
Hindi para sa mga eunuch
Mga edukadong lumpo
Parasite ni Socrates
Sponger ni Plato
Cherubím ni Dante
Sucker ni Shakespeare
Pulgas ni Balagtas
Pulot -boys nina Derrida
Lacan Foucault
Mikrobyong postmodernismo
O neo-marxismo

Sumasamba
Ako’t nagpupuri kay Aristotle
Saksi ako ni Darwin
Propeta ko si Condorcet
Santo ko si Comte

Nietzsche fanatic

Higit sa lahat
RIZALISTA
Nananalig ako
Sa muli nilang pagkabuhay

Magkakatawang-tao
Sa mga kabataang artistang
Bukas ay magiging manlilikha
Ng mga bagong karunungang
Magpapayabong sa kalikasan
At kasiningan ng buhay sa mundo
Hanggang sa kawalang-hanggang
Tibok ng puso at bugtong
Ng mega-universo

Sumasampalataya ako
Sa literaturang maka-Agham

Inuulit ko
Ang tula ko’y hindi
Para sa kung kangi-kangino lamang

Ang SKEPTICS ay isang pangkat ng mga taong

 naniniwala sa  isang makata-pilosopo na nagsabing:

Likha ni Rizal ang pigurin – isang dalagitang nakalugay ang buhok at nakatapak sa bungo ng tao habang dalawang kamay na ibinabantayog ang liwanag ng karunungan.

1.

Kelan ang Kaunlaran? Kapag natutong magsulat ang mga Pinoy na scientist.

Kailangang lumahok ang mga scientist sa arte at literatura. Ang mga scientist ang mga totoong intelektwal. Sila ang mga artist na pag-asa ng Pilipinas.

May mga batang scientist na nag-iisip nang makapagbuo  ng spaceship. Pwedeng hikayatin ang mga lider-relihiyon, mga ministro, mga pari at pastor na magbakasyon sila sa Pluto; isama na rin ang mga pulitiko pati trapoeta at humanistang Vaticano.  At para siguradong hindi na sila makababalik sa Pilipinas, ibangga ang kanilang sasakyan sa asteroid.  Hossana sa Kaitaasan. Naghihintay sa kanila si Jehova, El Shaddai, Yaweh, Jesus Christ, Mohammed etc…  Bathala at Bathaluman…

2.

Uyam ni Nietzsche :

Primum scribere,

Dende philosophari

- Mag-aaral muna tayong

Magporma ng mga salita

Bago hanapan ng kahulugan…

3.

P.I.K.

Pu…. I.. ka !

Pilosopong German

Makatang  pilosopo

Nag-iisa sa mundo.

4.

Tatapakan ka muna sa balikat

Ng kabataang Pinoy na pilosopo

Hindi para magpa-istariray

Kundi para makapagsirko at lumapat

Ang kanilang bumbunan sa iyong tuktok

Titindig kabaligtad ng tayo mo

Pero mas marami na silang alam

Kesa sa iyo, Ikaw

Ulol na Anti-Christ.

5.

Meron din kaming magagaling na makata

Halimbawa: Pete Lacaba

Nakapangangaligkig ang lamig

Talo ang yelo

Ng kanyang tapat na berso

Harana sa pagbabago;

6.

Ligamgam naman ng taeng kalabaw

Sa pandama  ang hagkis ng taludtod

Para sa usaping agraryo

Ni Lamberto E. Antonio;

7.

Gelacio Guillermo

Batumbuhay sa tubuhan

Mapaklang nektar

Tinig-anak-pawis

Na kinakatasan ng pulot;

8.

At si Rio Alma

Literatura eternal ang henyoridad

Ng lawas at larab

Ng kanyang isang libo’t isang  pag-ibig

Sa Naciong Filipinas

Mula sa unang pasyo’t

Huling hudhud.

9.

Tayo na.

Hindi sa kanan

Hindi sa kaliwa

Hindi sa harap

Hindi sa likod

Hindi sa itaas

Hindi sa ibaba

Hindi sa South

Hindi sa North

Hindi sa West

Hindi sa East

Ang mandate ng Tula

Ay mega-Universe!

10.

Tayo na!

Chiri wong tong choi, toro kong tong loy
Chidang bo bochichang chiri kong nong nang
Chiring cho ro yak kang kong o-ohup butse kik ek-ek-ek”

- Yoyoy Villame

“At yamang hindi ako sumulat para sa aking sariling kapakanan ni upang kumatok sa pintuan ng Akademya, kundi upang maipakilala lamang ang mga pagmamalabis at alisin ang mga maskara ng mga nagbabalatkayo…”

-          Jose Rizal

“There are more idols than realities in the world”

-          Nietzsche

Sa tore ng makata

Walang makatutula

Kahit hubo ang Hari

At may tae sa labi.