HULING HILING

“We may console ourselves with the full belief,
that the war of nature is not incessant, that no fear is felt,
that death is generally prompt, and that the vigorous,
the healthy, and the happy survive and multiply.”
– Darwin

Patay na ako bukas
Pareho lang naman
Kung kahapon o ngayon
Kahit anong oras

Magpapantay ang aking paa
Lalamig ang dugo
Pag hinto ng aktibidad
Ng puso at utak
Tulog na masarap
At walang gambala

Huwag nyo akong ipagdasal
Huwag dalhin sa simbahan
Sayang ang kandila
Paumanhin sa mga pari
Hindi ako makapaglilimos
Kahit dura

Oo mamamatay ako
Hindi para pakinabangan ng mga uod
Sunugin ang aking bangkay

Mamatamisin kong dila-dilaan ng apoy
Damhin ang metapisikal na sensasyon
Ng ligamgam sa balat balahibo buhok
Manulay sa pilik-mata’t matupok ang kilay
Mabuting ang laman at kalansay
Ng makata’y sabsabin ng liyab
Huli kong kontribusyon sa liwanag
Hindi ako nananalig sa imortalidad

Salamat
O kaula-ulayaw kong balintataw
Tapat na kalunyang mapaghinala

Salamat salamat
Irog kong mga mata

Ibudbod ang abo sa dagat
Nananabik akong bumalik sa tubig

Tapos na ang obligasyon
Ng sinta kong tula
Huling kampay ng sagwan

Paalam
Huwag ninyong alalahanin
Ang aking mga tula

Ang aking mga tula

Ay aking mga tula

Lumikha kayo ng sariling pag-aakala
Mas kaiga-igaya
Mas malakas
Mas matibay
Kapakipakinabang

About these ads

4 Tugon to “HULING HILING”

  1. Tatawagin ba kitang Ang Nakatanggap at Iniwan sa Iba ang Tropeong Baldemor para sa Gawad Balagtas na may kasamang Na-Pormaling Kokak?

    Unti-unti kitang naiintindihan, kunti lang naman. You are so dynamic, not to be pinned down like a death moth!

    Gusto ko ang huling hiling na tula mo. Sana makapagtula ako kahit na medyo asiwa or awkward. Ganun naman ang maraming Pinoy, no mastery of the Tagalog language….hindi namin ito ang lenguahe namin nang kami ay nasa duyan pa: marami sa amin ay may lahing Bisaya, Ilokano, chop suey! Tatanggap kaya ang Kontra Krusada ng mga tulang mula sa ibang regional languages?

    Ang hinahanap nating ka-atinan, ka-tayohan ay talagang lumalabo kapag walang tulad nina Hornedo at Agulto (ikaw ‘yon!). Sana ay may atbp. Ang mahalaga ay naging biktima tayo ng lottery of history. Ganun naman ang mga sibilisayson ng mundo, di ba – producto ng dinanas na colonialismo, pumili nga lang ng naaangkop na puede nating ma–morph or clone na parang atin na talaga ‘yon, kahit kunwari lang -> ang mahalaga ay maibigkas ang dapat mabigkas sa panahong iyon.

    Ang daming hahanapin, ang daming babalikan at bubulatlatin upang malaman natin kung ano talaga tayo at kung ano talaga ang gusto natin.
    Kahit pa man, the template of the centuries has left lasting marks into our consciousness, ang hirap ma-erase, at ano nga ba ang ipapalit na hindi tayo masasaktan? Narigat! Pastilang lisura! Pero hindi imposible.

    Mahina ang pick-up ko… pag pasensiyahan mo na lang ako.

    I will keep reading Kuntrakrusada to help me in my education. Tnx for the alerts. Mabuhay ka, Kontra-Kokak, ehe, Tom pala. Salamat.

  2. dead moth yon… not death moth. Sorry.

  3. tomagulto Sabi ni:

    biktima nga tayo ng lottery of history…. wow, ang tamis at anghang ng tunog

    • Tamis-anghang! Pinoy nga siguro ako: matamis, maanghang… parang tula ng isdang bagong huli mula sa dagat, ginawang kinilaw… matamis ang sariwang isda, ewan ko ba bakit ang hilig pa natin sa sili!

      : )

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Palitan )

Twitter picture

You are commenting using your Twitter account. Log Out / Palitan )

Facebook photo

You are commenting using your Facebook account. Log Out / Palitan )

Google+ photo

You are commenting using your Google+ account. Log Out / Palitan )

Connecting to %s

Follow

Get every new post delivered to your Inbox.

%d bloggers like this: